یاسین سەمسام، هاووڵاتییەکی خەڵکی شاری شنۆ، دوای ٩ مانگ دەستبەسەری بە دانانی بارمتە لە زیندان ئازاد کرا.
بەپێی ڕاپۆرتی کۆلبەرنیوز، لە چەند ڕۆژی ڕابردوودا، یاسین سەمسام، هاووڵاتییەکی خەڵکی شاری شنۆ، دوای ٩ مانگ دەستبەسەری، بە دانانی بارمتەی دوو ملیارد و چوار سەد ملیۆن تمەن، لە زیندانی شنۆ ئازاد کرا. بەپێی ئەم ڕاپۆرتە، یاسین سەمسام لە کاتی دەستبەسەرکردنیدا، لە چاوکەوتن بە پارێزەر و دیدار لەگەڵ خێزانەکەی مەحروم کراوە.
ڕۆژی پێنجشەممە ٢٢ی بەفرانباری ١٤٠١، یاسین سەمسام لە پێوەندی لەگەڵ ناڕەزایەتییە گشتییەکانی شاری شنۆ لەلایەن ئیتلاعاتی سوپای پاسدارانەوە دەستبەسەر و دواتر بۆ زیندانی شنۆ گوازرایەوە.
تا کاتی بڵاوبوونەوەی ئەم ڕاپۆرتە هیچ زانیارییەک لەسەر هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
