پێنج هاوڵاتی خەڵکی شاری شنۆ لە پێوەند بە بەڕێوەچوونی ڕێوڕەسمەکانی نەورۆز، لەلایەن هێزە ئەمنییەکانی ئەم شارەوە دەستبەسەرکران.
![](https://ku.kolbarnews.com/wp-content/uploads/2024/05/photo_2024-05-21_15-21-06-1024x676.jpg)
بەپێی ڕاپۆرتی کۆڵبەرنیوز، ڕۆژی دووشەمە ٣١ی گوڵانی ١٤٠٣، هەژار مەحمودی ٣٠ ساڵە، باست قادرزادە ٢٨ ساڵە، سەمیع مەحموودی ئەقدەم، دڵشاد شاداب ٣٢ ساڵە و تاهیر حاجیپوور ٣٨ ساڵە، پێنج هاوڵاتی خەڵکی شاری شنۆ لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گوازرانەوە.
ئەم ٥ هاوڵاتیە پاش بانگهێشت کرانیان بۆ ئیدارەی ئیتلاعاتی شاری شنۆ دەستبەسەر کراون.
بەپێی ئەم ڕاپۆرتە، ئەم ٥ هاوڵاتیە لە چالاکانی میدیایی و بەڕێوەبەرانی لاپەڕەی ئینستاگرامی «شنۆیەکەم»ن.
هێزە ئەمنییەکان هەروەها دەستیان بەسەر کەلوپەلی تایبەتی ئەم ٥ هاوڵاتیەدا لەوانە کۆمپیوتەر و مۆبایلەکانیان داگرتووە و پاش چەند کاتژمێریش لە دەستبەسەر بوونیان لاپەڕەی ئینستاگرامی هەریەکەیان بەردەست نەماوە.