موحسین ئەحمەدزادە بەندکراوی سیاسی خەڵکی شاری مهاباد پاش تێپەڕینی نزیکەی ٣ ساڵ بە دانانی بارمتەی ٣ میلیارد تمەنی و بە شێوەی کاتی لە بەندیخانەی ئەو شارە ئازادکرا.
بەپێی ڕاپۆرتی کۆڵبەرنیوز ڕۆژی یەکشەمە ٣٠ گوڵانی ١٤٠٣، موحسین ئەحمەدزادە هاوڵاتی ٣٨ ساڵە خەڵکی گوندی «کۆسە کرێز» سەربە شاری مهاباد، پاش ٢ ساڵ و ٨ مانگ و ٢١ ڕۆژ بەندکران بە دانانی بارمتەی ٣ میلیارد تمەنی و بە شێوەی کاتی لە بەندیخانەی ئەو شارە ئازادکرا.
موحسین ئەحمەدزادە ڕۆژی شەمە ٢٩ خەزەڵوەری ١٤٠٠، ٢ هەفتە پاش ئازادی کاتی، پاش بانگهێشتی بۆ دادگای شاری مهاباد دەستبەسەر و بۆ زیندانی ئەو شارە گوازرایەوە.
موحسین ئەحمەدزادە ڕۆژی دووشەمە ٨ خەرمانانی ١٤٠٠، لەلایەن هێزەکانی ئەمنی شاری مهاباد دەستبەسەر و بۆ یەکێک لە بەندیخانەکانی ئەمنی ورمێ گوازرایەوە و پاش کۆتایی هاتنی لێکۆڵینەوە بۆ بەندیخانەی شاری مهاباد گوازرابوو.
