کۆمەڵێک لە ژنانی شاخەوانی بانە، بە بڵاوکردنەوەی ڕاگەیەندراوی ڕۆژی جیهانی ژن، و بڵاوکردنەوەی شیرینی و گوڵ، ڕۆژی جیهانی ژنیان بەرز ڕاگرت.
بەپێی ڕاپۆرتی کۆڵبەرنیوز، چوارشەممە ١٦ی ڕەشەممەی ١٤٠٢, کۆمەڵێکی ١٠٠ نەفەرە لە ژنانی شاخەوانی شاری بانە بە بەڕێوەبردنی ڕێوڕەسمی ٨ی مارس ڕۆژی جیهانی ژن، ئەم ڕۆژەیان بەرز ڕاگرت. بەپێی ئەم ڕاپۆرتە، ڕێوڕەسمەکە بە خوێندنەوەی ڕاگەیەندراوی ڕۆژی جیهانی ژن دەستی پێکرد و دواتر ئامادەبووان بە خوێندنەوەی شیعر و پەخشان بەبۆنەی ڕۆژی جیهانی ژن و بەرگری لە مافی ژنان ئەم ڕۆژەیان بەرز ڕاگرت.
لەکۆتاییدا، ڕێوڕەسمەکە بە بڵاوکردنەوەی شیرینی و گوڵ لە نێو شادی و خۆشی ئامادەبووان کۆتایی هات و ئەم ژنە ئازادیخوازانە ڕۆژی جیهانی ژنیان بە هەموو ژنانی کوردستان و جیهان پیرۆزبایی وت.
