ڕۆژی پێنجشەممە ٣ی ڕەشەممەی ١٤٠٢، مامۆستایان و چالاکانی سەندیکای مەریوان بە چالاکییەکی سیمبولیک ڕۆژی جیهانی زمانی دایکیان بەرز ڕاگرت.
بەپێی ڕاپۆرتی کۆڵبەرنیوز، مامۆستایان و چالاکانی سەندیکای مەریوان بەبۆنەی ڕۆژی جیهانی زمانی دایکییەوە لە ڕێگای “مەیدانی بێسارانی” بەرەو دەریاچەی زرێبار بە پلاکاردەوە ڕێپێوانیان کرد.
چالاکانی سەندیکای مەریوان هەڵگری پلاکاردگەلێک بوون کە بە زمانی کوردی لەسەر گرنگی پاراستنی زمانی دایکی نووسرابوو.
دروشمەکان بە زمانی کوردی بریتی بوون لە:
«پەرەپێدانی زمانی دایکی، پێشخستنی ژیانی گەلە
زمانی دایکی دەرگای مێژووی هەر نەتەوەیەکە
کاتێ زمانی دایکی لەناو بچێت، گەل لە ناو چووه
قووڵایی هەستی مرۆڤ تەنیا بە زمانی دایکی دەربڕ ئەکڕێت»
لە کۆتاییدا مامۆستایان و چالاکانی سەندیکای مەریوان جەختیان لەسەر “مافی خوێندن بە زمانی دایکی” کردەوە.
