سەلام سوڵتانی و محەمەد مورادی دوو هاووڵاتی خەڵکی شاری پیرانشار لەلایەن هێزە ئەمنییەکان دەستبەسەر و بۆ شوێنی نادیار گواسترانەوە.
بەپێی ڕاپۆرتی کۆڵبەرنیوز ڕۆژی دووشەمە ١٧ی گوڵانی ١٤٠٣، «سەلام سوڵتانی» هاووڵاتی خەڵکی گوندی «خورەنج» و «محەمەد مورادی» خەڵکی گوندی «بیکۆس»ی سەربە شاری پیرانشار لەلایەن هێزە ئەمنییەکانی ئەم شارە دەستبەسەر و بۆ شوێنی نادیار گواسترانەوە.
دەستبەسەرکرانی ئەم دوو هاووڵاتیە بەبێ نیشاندانی بەڵگەی دادوەری لەلایەن هێزە ئەمنییەکان بووە.
تا کاتی نووسینی ئەم هەواڵە لە هۆکارەکانی دەستبەسەری و تۆمەتەکانی دژی ئەم هاووڵاتیانە زانیارییەک لە بەردەستدا نییە.
