سۆران پاچیدە، هاوڵاتیەکی شاری مەهاباد، لەلایەن هێزەکانی ڕژێم دەستگیر و بۆ شوێنێکی نادیار گوازرایەوە.
بە پێی ڕاپۆرتی کۆڵبەرنیوز، هاوڵاتیەک لە مەهاباد لە لایەن هێزەکانی ڕژێم دەستگیر کراوە. ناسنامەی ئەو هاووڵاتیە “سۆران پاچیدە، ٣١ ساڵ کوڕی محەمەد، خەڵکی گوندی قباغکەندی مەهاباد” ڕاگەیەندراوە.
بە پێی ڕاپۆرتەکە، سۆران پاچیدە سێشەممە ١٧ ڕێبەندانی ١٤٠٢ بە بێ فەرمانی دادگا دەستگیر کرا.
تا ئێستا هەوڵی بنەماڵەی سۆران پاچیدە بۆ زانینی چارەنووس و شوێنی کوڕەکەیان سەرکەوتوو نەبووە.
تا کاتی نووسینی ئەم ڕاپۆرتە هیچ زانیاریەک لە هۆکاری دەستگیری و تۆمەتەکانی ئەم هاوڵاتیە بەردەست نییە.
