پاش تێپەڕبوونی زیاتر لە هەفتەیەک بەسەر دەستبەسەرکرانی ستار کیانی، هێشتا لە دۆخی ناوبراو زانیارییەک لە بەردەستدا نییە.
بەپێی ڕاپۆرتی کۆڵبەرنیوز، پاش تێپەڕبوونی ٩ ڕۆژ بەسەر دەستبەسەرکرانی ستار کیانی، هاووڵاتی خەڵکی شاری مەریوان، هێشتا لە دۆخی ناوبراو زانیارییەک لە بەردەستدا نییە.
نەبوونی زانیاری لە چارەنووسی ناوبراو نیگەرانییەکانی خێزانەکەی زیاتر کردووە. بەپێی ئەم ڕاپۆرتە، سەرەڕای بەدواداچوونەکانی بنەماڵەی ئەم هاووڵاتییە، دەزگا ئەمنییەکان خۆیان لە پێدانی هەر وەڵامێک بە تایبەتی لە دۆخی ناوبراو، شوێنی مانەوە و تۆمەتەکانی ناوبراو دووردەگرن.
“ستار کیانی” هاووڵاتیی گوندی «تازاوا سۆفی بلە»ی سەربە سەرشێوی شاری مەریوان، ڕۆژی شەممە ٨ی گوڵانی ١٤٠٣، لەلایەن هێزە ئەمنییەکانی شاری مەریوان دەستبەسەر و بۆ شوێنی نادیار گواسترایەوە.
تا کاتی نووسینی ئەم ڕاپۆرتە لە هۆکارەکانی دەستبەسەرکردن، و شوێنی مانەوە و تۆمەتەکان دژی ناوبراو زانیارییەک لەبەردەستدا نییە.
