هاووڵاتییانی هه‌ردوو پارێزگای سنه‌و كرماشان ڕۆژی شه‌ممه ٢١ی مانگی ڕه‌شه‌ممه، ناڕه‌زایه‌تی خۆیان له‌ئاست پیسی هه‌وا و بایه‌خ نه‌دانی به‌رپرسانی ڕژیم به سه‌ڵامه‌تی خه‌ڵك ده‌ربڕی.
به پێی ڕاپۆرتی ڕێكخراوی كه‌ش و هه‌وای ئۆستانه‌كانی كرماشان و سنه، ئاستی بینین له‌و دوو پارێزگایه تا كه‌متر له ٥٠ متر كه‌می كردووه و ڕێژه‌ی پیسی هه‌واش ١٠ هێنده‌ی حه‌دی ستاندارده. سه‌ره‌ڕای هۆشداری ڕێكخراوی كه‌ش و هه‌وا به‌رپرسانی ڕژیم هیچ هۆشدارییه‌كیان به مه‌دره‌سه‌كان، ئیدارات و نه‌خۆشخانه‌كان نه‌داوه و به‌م شوه‌یه ته‌ندرووستی خه‌ڵكییان خستووه‌ته مه‌ترسیه‌وه.
