محەممەد سۆهرابی، هاووڵاتیی خەڵکی پیرانشار، لەلایەن لقی یەکی دادگای ئینقلابی ئیسلامی مەهابادەوە، بە ١٦ مانگ زیندانی تەعزیری و دوورخرانەوە بۆ زەنجان مەحکووم کرا.
بەپێی ڕاپۆرتی کۆڵبەرنیوز، محەممەد سۆهرابی، هاووڵاتییەکی خەڵکی پیرانشار، لەلایەن لقی یەکی دادگای ئینقلابی ئیسلامی مەهاباد بە سەرۆکایەتی دادوەر “دۆستی” بە تۆمەتی “ئەندامبوون لە یەکێک لە ئەحزابە ئۆپۆزیسیۆنەکان” بە ١٦ مانگ زیندانی تەعزیری و دوورخرانەوە بۆ ماوەی یەک ساڵ بۆ زەنجان مەحکووم کراوە.
محەممەد سۆهرابی لە ٢١ی خەزەڵوەری ١٤٠١ لەلایەن هێزە ئەمنییەکانی پیرانشارەوە دەستبەسەر و دواجار ڕۆژی چوارشەممە ٢١ی بەفرانباری ١٤٠١ پاش بەرگەگرتنی دوو مانگ زیندانی، بە دانانی بارمتەی پێنج میلیارد تمەن تا کۆتایی پرۆسەی لێپرسینەکان بە شێوەی کاتی لە زیندانی نەقدە ئازاد کرا.
