موجتەبا دێهقانی هاووڵاتییەکی خەڵکی شاری قوروە و ئازاد زکریایی هاووڵاتییەکی خەڵکی شاری سنە لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرانەوە.
بەپێی ڕاپۆرتی کۆڵبەرنیوز، ڕۆژی شەممە ٢٥ی خەرمانانی ١٤٠٢، موجتەبا دێهقانی، هاووڵاتییەکی لاوی خەڵکی گوندی “خریلە”ی سەر بە شاری قوروە، لەلایەن هێزەکانی ئیتلاعاتی سوپای پاسدارانی ئەم شارە دەستبەسەر و بۆ شوێنێکی نادیار ڕاگوێزرا.
بەپێی هەواڵێکی دیکەی هەفتەی ڕابردوو، ئازاد زکریاریی، هاووڵاتییەکی خەڵکی شاری “تودارروتە” سەر بە شاری سنە، لەلایەن هێزە ئەمنییەکانی شاری سنەوە دەستبەسەر و بۆ شوێنێکی نادیار ڕاگوێزرا.
هێزە ئەمنییەکان بەبێ دابینکردنی فەرمانی دادگا ئەو هاووڵاتییانەیان دەستگیرکردووە. تا کاتی بڵاوبوونەوەی ئەم ڕاپۆرتە هیچ زانیارییەک لەسەر هۆکاری دەستبەسەرکردن و تۆمەتی ئەو هاووڵاتیانە لەبەردەستدا نییە.
