محەمەد ئەمینیفەر ناسراو بە جۆخور، هاوڵاتی دانیشتووی نەغەدە لەلایەن لقی یەکی دادگای شۆڕشی مهابادەوە بە ٢٩ مانگ زیندانی سزادرا.
بە پێی ڕاپۆرتی کۆڵبەرنیوز، بە پێی بڕیارێک کە لەمدواییە لەلایەن لقی یەکی دادگای شۆڕشی مهابادەوە بە سەرۆکایەتی دادوەر سەجاد دۆستی دەرکراوە، محەممەد ئەمینیفەر، بە تۆمەتی «ئەندامێتی لە حیزبێکی دژبەری ڕژیم»، بە ٢٩ مانگ زیندانی سزا درا. ئەم هاوڵاتییە لە ١١ی بەفرانباری ١٤٠٢ لەلایەن هێزە ئەمنییەکانەوە دەستبەسەر کرا. ئەم هاوڵاتییە بە مەبەستی لێپرسینەوە لەگەڵیدا بۆ دەستبەسەرگەیەکی ئەمنی ورمێ گواسترایەوە و پاش تەواوبوونی لێپرسینەوە بە دانانی بارمتە بەشێوەی کاتی دوو ملیارد تمەنی لە گرتووخانەی نەغەدە ئازاد کرا. محەممەد ئەمینیفەر ناسراو بە جۆخور، کوڕی فەتاح و لەدایکبووی ٣٠ی خەرمانانی ١٣٦٣یە.
