حەسەن مەردانی و لوقمان پیشیار، هاووڵاتیانی دەستبەسەرکراوی خەڵکی شاری بۆکان، لە گرتووخانەی ئیدارەی ئیتلاعاتی ورمێ بۆ زیندانی بۆکان گوازرانەوە.
بەپێی ڕاپۆرتی کۆڵبەرنیوز، ڕۆژی چوارشەممە ١٢ی ڕەزبەری ١٤٠٢، حەسەن مەردانی و لوقمان پیشیار، هاووڵاتیانی دەستبەسەرکراوی خەڵکی شاری بۆکان، لە گرتووخانەی ئیدارەی ئیتلاعاتی ورمێ بۆ زیندانی بۆکان گوازرانەوە.
بەپێی ئەم ڕاپۆرته، ئەم دوو هاووڵاتییه لەماوەی دەستبەسەرکردنیاندا تەنها دوو پەیوەندی تەلەفۆنی کورتیان لەگەڵ خێزانەکانیاندا هەبووه و لەماوەی ئه و دوو جارەدا ڕێگەیان پێنەدراوه شوێنی خۆیان ڕابگەیەنن. لە ماوەی دەستبەسەرکردنیاندا، بێ ئاگایی لە چارەنووسی ئەم دوو کەسە بووەتە هۆی زیادبوونی نیگەرانی بنەماڵەکانیان.
