زانیار ئەفسەری، هاووڵاتی گوندی نێ لە مەریوان لەلایەن هێزە ئەمنیەکان دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز چوارشەمە ٢١ی خەرمانانی ١٤٠٣ زانیار ئەفسەری، کوڕی ئەحمەد و هاووڵاتی ٣٣ ساڵان خەڵکی گوندی نێ لە مەریوان لەلایەن هێزە ئەمنیەکان دەستبەسەرکرا و بۆ شوێنێکی نادیار گوازرایەوە. هێزە ئەمنیەکان بەبێ بڕیاری دادگا ناوبراویان دەستبەسەرکرد و تا کاتی نووسینی ئەم ڕاپۆرتە لە شوێنی مانەوە، هۆکاری دەستبەسەری و تۆمەتەکانی دژی ناوبراو زانیاریەک لەبەردەستدا نییە.
