مازیار سەیدنەژاد، چالاکیی کرێکاری و زیندانیی سیاسی بە تەواوبوونی ماوەی سزاکەی لە زیندانی ئێڤین ئازادکرا.
بەپێی ڕاپۆرتی کۆڵبەرنیوز، ڕۆژی دووشەمە ٢٢ی گوڵانی ١٤٠٤، مازیار سەیدنەژاد، چالاکیی کرێکاری و زیندانیی سیاسی بە تەواوبوونی سزاکەی لە زیندانی ئێڤین ئازادکرا.
لە ٢٩ی خەزەڵوەری ١٤٠٣، سزاکانی مازیار سەیدنەژاد، پاش پەسەندکردنی داوای کۆکردنەوەی سزاکانی لەلایەن لقی شازدەی دادگای پێداچوونەوەی پارێزگای خوزستان بۆ سێ ساڵ و سێ مانگ و دوو ڕۆژ زیندانیکردن گۆڕدرا. ناوبراو پێشتر لە دوو دۆسیەی جیادا لەلایەن لقی دادگای شۆڕش لە شارەکانی ئەهواز و تاران بە گشتی بە شەش ساڵ زیندانیکردن سزادرابوو.
مازیار سەیدنەژاد، لە ٣١ی گوڵانی ١٤٠٢، بۆ بەسەربردنی سزاکەی خۆی ڕەوانەی زیندانی ئێڤین کرابوو.
ناوبراو لە ٢٥ی گەلاوێژی ١٤٠٠، بە پێدانی بارمتەی ٦٠٠ ملیۆن تمەن لە زیندانی ئێڤین دەستبەسەرکرا. دەستبەسەرکرانی مازیار سەیدنەژاد، لە حەڤدەی جۆزەردانی ١٤٠٠، لەلایەن هێزە ئەمنییەکان لە ماڵەکەی خۆیدا لە شاری تاران ئەنجامدرابوو.
مازیار سەیدنەژاد، پێشتر بەهۆی چالاکییەکانی خۆیەوە دەستبەسەر و سزادراوە.
