زارا ساجدینیا، هاووڵاتی شاری بۆکان لەلایەن لقی ١٠١ی دادگای ٢ی بۆکان بە ١٠ مانگ بەندی تەعزیری سزادرا.
بەپێی ڕاپۆرتی کۆڵبەرنیوز یەکشەمە ٨ی ڕەزبەری ١٤٠٣ لەلایەن لقی ١٠١ی دادگای ٢ی بۆکان، زارا ساجدینیا ٣٨ ساڵان بەتۆمەتی تەبلیغ دژی ڕژیم دادگایی کرا و بە ١٠ مانگ بەندی تەعزیری سزادرا. بەپێی ئەم ڕاپۆرتە بە ناوبراو ڕاگەیەندرا کە لەماوەی ٢٠ ڕۆژ لە کاتی ڕاگەیاندنی سزاکەی، دەتوانێت ناڕەزایەتی لە بڕیاری دادگا بکات و داوای پێداچوونەوە بکات.
زارا ساجدینیا، چوارشەمە ١٠ی ڕەزبەری ١٤٠٣ لەلایەن هێزەکانی ئەمنی بۆکان دەستبەسەرکرا و بۆ گرتوخانەیەکی ئەمنی ورمێ گواسترایەوە. پاش کۆتایی لێکۆڵینەوە بەبارمتەی کاتی لە گرتوخانە ئازادبوو. زارا ساجدینیا ٣٨ ساڵان هاووڵاتی بۆکان خێزاندار و دایکی ٣ منداڵە.
