دانیشتووانی نیشتەجێی میللی شاری سنە لە ناڕەزایەتی دژی کردارەکانی شارەوانی و چارەسەرنەکردنی کێشەکانیان لە بەرامبەر بینای پارێزگار گردبوونەوە.
بەپێی ڕاپۆرتی کۆڵبەرنیوز، بەیانی ڕۆژی چوارشەمە دەی گوڵانی ١٤٠٤، کۆمەڵێک لە دانیشتووانی نیشتەجێی میللی لە شاری سنە بۆ دووەمین جار لەم هەفتەیەدا لە بەرامبەر شارەوانی ناوەندی ئەم شارەدا گردبوونەوەی ناڕەزایەتییان ڕێکخست. ئەم گردبوونەوەیە بۆ ناڕەزایەتی دژی کردەوەکانی شارەوانی شاری سنە و وەڵام نەدانەوەی بەرپرسان لەبارەی کێشەکانیان لە پرۆسەی جێبەجێکردنی ئەم پلانە ئەنجامدراوە.
ناڕازییەکان پاش ئامادەبوونی شارەداری شاری سنە، ئەنوەر ڕەشیدی، و وەڵام نەدانەوەی ناوبراو و جێگرەکانی، بە شێوەی یەکگرتووانە بە ئاڕاستەی پارێزگای کوردستان ڕۆیشتن و لە بەرامبەر بینای پارێزگار گردبوونەوە. ئەوان داوای ئامادەبوونی ڕاستەوخۆی پارێزگار و بەڕێوەبەرانی پێوەندیدار بە گردبوونەوەکەی خۆیان و ڕووندکردنەوەیان کردووە.
سەرەڕای هەوڵی هێزە ئەمنییەکان و بەرپرسانی پارێزگار بۆ بڵاوەپێکردنی گردبوونەوەکە، ناڕەزاییەکان بەردەوامبوون لە گردبوونەوەکەیان و نوێنەرانیان داوای بەڕێوەچوونی کۆبوونەوەی فەرمیییان لەگەڵ بەرپرسانی پارێزگار کرد. سەرەنجام بە هەماهەنگی خودی پارێزگاری کوردستان، کۆبوونەوەیەک لە کاتژمێر ١٣ بە ئامادەبوونی پارێزگار، جێگری ئەندازیار، جێگری سیاسی و کۆمەڵایەتی پارێزگار، شارەداری شاری سنە و جێگرەکانی، شارەدارانی ناوچەی چوارگانە، بەڕێوەبەری گشتی و جێگری هونەری ئیدارەی گشتی ڕێگاوبان و شارسازی پارێزگا، نوێنەری پارێزگار، دوو نوێنەر لە کۆمیتەی کاراکردنی یاساکانی جێبەجێکردن، و پێنج نوێنەری هەڵبژێردراو لەنێو ناڕەزاییەکان بەڕێوەچوو.
لەم کۆبوونەوەیەدا، دیاریکرا کە کێشەکان بە ئەنقەست بەهۆی ناکۆکییە داراییەکانی نێوان شارەوانی و ئیدارەی گشتی ڕێگاوبان و شارسازییە، لە ماوەی سێ ڕۆژی داهاتوودا لێکۆڵینەوە و چارەسەر بکرێت تا داواکارییەکانی دانیشتووان جێبەجێبکرێت.
