هێرۆ قەدیمی، چالاکی مەدەنی شاری سەقز، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازراوەتەوە.
بەپێی ڕاپۆرتی کۆڵبەررنیوز، ڕۆژی سێشەممە ٢١ی خەرمانانی ١٤٠٢، هێرۆ قەدیمی چالاکی مەدەنی شاری سەقز لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزرا. بەپێی ئەم ڕاپۆرتە، هێزە ئەمنییەکان هەڵیانکوتایە سەر ماڵی ئەم هاووڵاتییە و بە بەکارهێنانی توندوتیژی دەستگیریان کردووە.
هێزە ئەمنییەکان بەبێ فەرمانی دادگا ئەم هاوڵاتیەیان دەستگیرکردووە، تا کاتی نووسینی ئەم هەواڵە هیچ زانیارییەک لەسەر ئەو تۆمەتەی ئاراستەی ئەم هاوڵاتیە کراوە نییە.
