«کارۆ عەلیداد»، هاووڵاتی خەڵکی شاری مەریوان، بەدانانی بارمتە، لە زیندانی شاری سنە ئازاد کرا.
بەپێی ڕاپۆرتی کۆڵبەرنیوز، ڕۆژی شەممە ١١ی ڕەشەمەی ١٤٠٣، کارۆ عەلیداد، هاووڵاتی خەڵکی شاری مەریوان، بە دانانی بارمتەی ٨٠٠ میلیۆن تمەن، لە زیندانی شاری سنە بە شێوەی کاتی ئازادکرا.
کارۆ عەلیداد، تەمەن ٢١ ساڵ و خەڵکی شاری مەریوان، لە بەرواری ٣ی ڕێبەندان، لەلایەن هێزە ئەمنییەکانەوە لەم شارە دەستبەسەر کرا.
تا کاتی نووسینی ئەم ڕاپۆرتە، لە هۆکارەکانی دەستبەسەرکردن، و ئەو تۆمەتانەی کە ئاراستەی ئەم هاوڵاتییە کراوە، زانیارییەک لەبەردەستدا نییە.
