“ئیسماعیل کەریمی” چالاکی ژینگە و خەڵکی شاری کامێران بەهۆی سەختی برینەکانیەوە لە نەخۆشخانەی کەوسەری سنە گیانی لەدەستدا.
بەپێی ڕاپۆرتی کۆڵبەرنیوز، سەرلەبەیانی چوارشەمە ٣ی گەلاوێژی ١٤٠٣، “ئیسماعیل کەریمی” چالاکی ژینگە و لە هێزەکانی سەرچاوە سروشتیەکانی شاری کامێران، بەهۆی سەختی برینەکانیەوە گیانی لەدەستدا. ناوبراو ڕۆژی دووشەمە ١ی گەلاوێژی ١٤٠٣ بۆ کوژاندنەوەی ئاگری دارستانەکانی “کانیشە”ی سەربە شاری کامێران لەگەڵ بەشێک لە چالاکانی ژینگەیی بۆ ئەم ناوچەیە ڕۆشتبوون کە تووشی سووتانی زۆری جەستەی “٨٠ لە سەد” هاتبوو. ناوبراو بەهۆی سەختی برینەکانی بە فڕۆکەی فریاگوزاری بۆ نەخۆشخانەی کەوسەری سنە گواسترابوو و بەهۆی سەختی برینەکانیەوە لە بەشی چاودێری تایبەتی ئەم نەخۆشخانەیە خەوێندرابوو.
ئیسماعیل کەریمی، کارمەندی ئیدارەی سەرچاوە سرووشتیەکانی کامێران، خێزاندار و خاوەنی ٢ منداڵە.
