ڕۆژی سێشەممە ٢ی گەلاوێژی ١٤٠٣، دادگای ئینقلابی تاران “پەخشان عەزیزی” بە تۆمەتی “ئەندامێتی لە کۆمەڵە دژبەرەکاندا” سزای لەسێدارەدانی بەسەردا سەپێنرا.
بەپێی ڕاپۆرتی کۆڵبەرنیوز، لقی ٢٦ی دادگای ئینقلابی تاران بە سەرۆکایەتی دادوەر “ئیمان ئەفشاری” ڕۆژی سێشەممە ٢ی گەلاوێژی ١٤٠٣، “پەخشان عەزیزی” چالاکی سیاسی بە تۆمەتی “ئەندامێتی لە کۆمەڵە دژبەرەکاندا” سزای لەسێدارەدانی بەسەردا سەپاند.
ئەم سزایە لە کاتێکدا لە زیندانی “ئەوین”ی تاران بە ناوبراو ڕاگەیەندراوە کە دانیشتنی دادگایی ئەم چالاکە سیاسیە لە ٨ی جۆزەردانی ١٤٠٣ بەڕێوەچوو.
“پەخشان عەزیزی” چالاکی سیاسی خەڵکی شاری مهاباد، لە ١٣ی گەلاوێژی ١٤٠٢ لەلایەن هێزەکانی ئیدارەی ئیتلاعاتی تاران دەستبەسەر و بۆ زیندانی ئەوین گوازرایەوە.
ناوبراو لە ڕێبەندانی ١٤٠٢ لە لقی ٥ی لێکۆڵینەوەی دادگای ئەمنی ئەوین تاوانبار کرابوو و بەڵگەی تاوانبارکردنی ناوبراو بۆ لقی ٢٦ی دادگای ئینقلابی تاران نێردرابوو.
