سەحەر ساڵحیان، چالاکی خوێندکاری و خوێندکاری پەرستاری زانکۆی زانستە پزیشکییەکانی کوردستان، لەلایەن هێزە ئەمنییەکانی شاری سەقزەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی شەممە ١ی ڕەزبەری ١٤٠٢، سەحەر ساڵحیان، چالاکی خوێندکاری و خوێندکاری بەشی پەرستاری زانکۆی زانستە پزیشکییەکانی کوردستان، لەلایەن هێزە ئەمنییەکانی شاری سەقزەوە دەستبەسەر و بۆ شوێنێکی نادیار گوازرایەوە.
بەپێی ئەم ڕاپۆرتە، هێزە ئەمنییەکان هەڵیانکوتایە سەر ماڵی شەخسی سەحەر ساڵحیان هاووڵاتیی خەڵکی شاری سەقز و دەستبەسەریان کرد.
هێزە ئەمنییەکان ئەم چالاکە خوێندکارەیان بە بێ فەرمانی دادگا دەستگیر کردووە. تا بڵاوبوونەوەی ئەم ڕاپۆرتە هیچ زانیارییەک لەبارەی هۆکاری دەستگیرکردنی و ئەو تۆمەتانەی کە ئاراستەی کراوە، لەبەردەستدا نییە.
