«محەممەد میرزا ڕەحمانی، مووسا تابیعی، جەبار ئیبراهیمی و هێمن ئیبراهیمی»، چوار هاوڵاتی خەڵکی شاری کامێران لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گواستراونەتەوە.
بەپێی ڕاپۆرتی کۆڵبەرنیوز، ڕۆژی چوارشەممە ٨ی ڕەشەمەی ١٤٠٣، “محەممەد میرزا ڕەحمانی” خەڵکی گوندی “لۆن سادات” و دانیشتووی تروەڕێزی کامێران، “مووسا تابیعی” خەڵکی گوندی “لۆنە کۆن” و دانیشتووی کامێران، “جەبار ئیبراهیمی” خەڵکی گوندی “تەختی زەنگی” و دانیشتووی کامێران و “هێمن ئیبراهیمی” خەڵکی گوندی “کۆرەدەرە” و دانیشتووی شاری کامێران، لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گواستراونەتەوە.
بەپێی ئەم ڕاپۆرتە هێزە ئەمنییەکان بەبێ بڕیاری دادوەری ئەم هاوڵاتییانەیان دەستبەسەر کردووە.
تا کاتی ئامادەکردنی ئەم ڕاپۆرتە، لە هۆکارەکانی دەستبەسەرکردن، شوێنی ڕاگرتن و تۆمەتەکانی دژی ئەم هاوڵاتییانە زانیارییەک لەبەردەستدا نییە.
