ئومید مەولوودیان، هاوڵاتی شاری بۆکان لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی سێشەمە ٥ی خاکەلێوەی ١٤٠٤، هاوڵاتییەک لە شاری بۆکان دەستبەسەرکرا. ناسنامەی ناوبراو، ئومید مەولوودیان، تەمەن ٢٢ ساڵ، خەڵکی گوندی «کۆڕیزە سەردار» سەربە شاری بۆکانە.
بەپێی ئەم ڕاپۆرتە، ئومید مەولوودیان لە پەیوەست بە بەشداری لە ڕێوڕەسمەکانی نەورۆزەوە دەستبەسەرکراوە.
تا کاتی نووسینی ئەم ڕاپۆرتە، لە شوێنی مانەوە و تۆمەتەکانی دژی ئەم هاوڵاتییە زانیارییەک لەبەردەستدا نییە.
