بە تێپەڕینی شەش ڕۆژ لە دەستبەسەرکرانی ڕێبوار مستەفازادە، ڕاهێنەری تۆپی پێ و خەڵکی شاری مەهاباد لەلایەن هێزەکانی ڕژیم، هێشتا چارەنووسی نادیارە.
بەپێی ڕاپۆرتی کۆڵبەرنیوز، ڕۆژی دووشەمە دووی پووشپەڕی ١٤٠٤، ڕێبوار مستەفازادە، ڕاهێنەری تۆپی پێ و خەڵکی شاری مەهاباد، پاش بانگهێشتی بۆ ئیدارەی ئیتلاعاتی شاری مەهاباد بە تاکڕەوانە و بەبێ بڕیاری دادوەر دەستبەسەرکرا و بۆ شوێنێکی نادیار گواسترایەوە. بە تێپەڕینی شەش ڕۆژ لە دەستبەسەرکرانی ڕێبوار مستەفازادە، هێشتا چارەنووسی نادیارە. نەبوونی زانیاری لە دۆخی ئەم هاووڵاتییە بنەماڵەکەی ناوبراوی نیگەران کردووە.
تا کاتی نووسینی ئەم ڕاپۆرتە، هۆکارەکانی دەستبەسەری و تۆمەتەکانی دژی ئەم هاووڵاتییە نادیارە.
