فەرید چودار، هاوڵاتییەکی خەڵکی شاری نەغەدە، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گوازراوەتەوە.
بە پێی ڕاپۆرتی کۆلبەرنیوز، ڕۆژی سێشەممە ڕێکەوتی ١٣ی پووشپەڕی ساڵی ١٤٠٢، فەرید چودار کوڕی یوسف و دانیشتووی گوندی گوڵێ سەر بە شاری نەغەدە لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزرا.
دەستگیرکردنی ئەم هاوڵاتییە لەلایەن هێزە ئەمنییەکانەوە بەبێ فەرمانی دادگا لە ماڵی باوکی ناوبراودا ڕوویداوە. سەرەڕای هەوڵی بنەماڵەی فەرید چودار، دەسەڵاتی دادوەری و ئەمنی، بەرپرسانی پەیوەندیدار ڕەتیدەکەنەوە وەڵامێکی ڕوون سەبارەت بە بارودۆخی فەرید چودار بدەنەوە.
تا ئێستا هیچ زانیارییەک لەبارەی هۆکاری دەستگیرکردنەکەی و شوێنی دەستبەسەرکردنی و ئەو تۆمەتانەی کە ئاراستەی کراوە، لەبەردەستدا نییە.
