«سەردار عومەرزادە»، هاوڵاتی شاری سەڵماس و دانیشتووی شاری شنۆ، لەلایەن هێزە ئەمنییەکانی شاری شنۆوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، لە چەند ڕۆژی ڕابردوودا سەردار عومەرزادە، هاوڵاتی تەمەن ٢٧ ساڵ و خەڵکی گوندی «دەڵەزێ» سەربە ناوچەی شەپیرانی شاری سەڵماس و دانیشتووی گوندی «پۆشاوا» سەربە شاری شنۆ، لەلایەن هێزە ئەمنییەکانی شاری شنۆوە دەستبەسەر و بۆ شوێنێکی نادیار گواسترایەوە.
بەپێی ئەم ڕاپۆرتە، هێزە ئەمنییەکان بەبێ بڕیاری دادوەر ئەم هاوڵاتییەیان دەستبەسەر کردووە.
تا کاتی نووسینی ئەم ڕاپۆرتە لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاوڵاتییە زانیارییەک لەبەردەستدا نییە.
