شنۆ محەمەدی، شیروان حەیدەری، ئیدریس حەیدەری، ئاریوان شاکری، مەحموود نادری، ئەسعەد باباکەرەمی، ئەحمەد ساعدی، سیروان حاتەمی و مستەفا هەژبەری، ٩ هاوڵاتی شاری سنە لە پەیوەست بە ڕێوڕەسمەکانی نەورۆزەوە دەستبەسەر کرابوون، بە دانانی بارمتە ئازادکران.
بەپێی ڕاپۆرتی کۆڵبەرنیوز، ڕۆژی شەمە ١٦ی خاکەلێوەی ١٤٠٤، شنۆ محەمەدی تەمەن ٣٤ ساڵ، شیروان حەیدەری تەمەن ٣٧ ساڵ، ئیدریس حەیدەری تەمەن ٣٠ ساڵ، ئاریوان شاکری تەمەن ٣٥ ساڵ، مەحموود نادری تەمەن ٤٥ ساڵ، ئەسعەد باباکەرەمی تەمەن ٣٤ ساڵ، ئەحمەد ساعدی، سیروان حاتەمی تەمەن ٤٠ ساڵ و مستەفا هەژبەری تەمەن ٢٨ ساڵ، ٩ هاوڵاتی شاری سنە لە پەیوەست بە ڕێوڕەسمەکانی نەورۆزی دەستبەسەر کرابوون، بە دانانی بارمتەی ٥٠٠ ملیۆن تمەن بۆ هەر یەکێکیان لە زیندانی ناوەندی شاری سنە ئازادکران.
بەپێی ئەم ڕاپۆرتە، ئەم هاوڵاتییە لە کاتی دەستبەسەرکرانیاندا لە دەستڕاگەیشتن بە پارێزەر و بینینی بنەماڵەکانیان بێبەش بوون.
تا کاتی نووسینی ئەم ڕاپۆرتە، زانیارییەک لە تۆمەتەکانی دژی ئەم هاوڵاتییانە بەردەست نییە.
