موسا یادیار و حەمزە یادیار، دوو برای خەڵکی شاری بۆکان لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، ڕۆژی یەکشەمە چواردەی گوڵانی ١٤٠٤، موسا یادیار و حەمزە یادیار، دوو برای خەڵکی شاری بۆکان، لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترانەوە. بەپێی ئەم ڕاپۆرتە، هێزە ئەمنییەکان بەبێ بڕیاری دادوەر هێرشیان کردە سەر ماڵ و شوێنی کارەکانی ئەم دوو برایە و دەستبەسەریان کردوون.
شایانی باسە، کە هێزە ئەمنییەکان پاش دەستبەسەرکرانی ئەم دوو هاووڵاتییە، هێرشیان کردە سەر ماڵی ئەم هاووڵاتییانە و ماڵەکەیان پشکنیوون.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاووڵاتییانە بەردەست نییە.
