شەهاب مورادی، کرێکارێکی ئارماتۆربەند لە کاتی کارکردندا لە بینایەکی شەش قات لە شاری بۆکان بەهۆی کەوتنە خوارەوە گیانی لەدەستدا.
بە پێی ڕاپۆرتی کۆڵبەرنیوز، ڕۆژی چوارشەممە ١٩ی بەفرانباری ١٤٠٣ شەهاب مورادی، وەستاکاری تەمەن ٣٩ ساڵ کە خێزاندارە و خەڵکی شاری بۆکانە لە کاتی کارکردندا لە بینایەکی شەش قات لە شاری بۆکان بەهۆی کەوتنە خوارەوە گیانی لەدەستدا.
شەهاب مورادی، باوکی منداڵێک بوو لە کاتی کاری ئارماتۆربەندی بۆ بینایەک بە هۆکارێکی نادیار تووشی ڕووداو بووە و لە بەرزاییەوە کەوتۆتە خوارەوە. ئەم ڕووداوە ئەوەندە سەخت بووە کە ئەم وەستاکارە گیانی لەدەستداوە.
شایەنی باسە لە ساڵی ١٤٠٢ بەهۆی ڕووداوی کار، ٢١١٥ کرێکار (٢٠٩٤ پیاو و ٢١ ژن) گیانیان لەدەستدا بەبەراورد بە ساڵی ڕابردوو کە ١٩٠٠ کرێکار بوو، ١١.٣ لە سەدا زیادی کرد.
ئێران لەبواری پاراستنی شوێنی کار لەنێو وڵاتانی جیهان لە ڕیزبەندی ١٠٢ دایە کە زۆر لەدوایە.
ئێران یەکێکە لە لەپارێزراوترین وڵاتان لەبواری پاراستنی شوێنی کار و ساڵانە ژمارەیەکی زۆری کرێکاران بەهۆی نەبوونی پاراستنی شوێنی کار تووشی ڕووداو دەبن.
