شۆڕش ئەبوبەکری (شۆڕەسوار)، هونەرمەندی خەڵکی شاری سەردەشت، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار ڕاگوێزرا.
بەپێی ڕاپۆرتی کۆلبەرنیوز، سەرلەبەیانی ڕۆژی دووشەممە ١٨ی بەفرانباری ١٤٠٢، شۆڕش ئەبوبەکری (شۆڕەسوار)، هونەرمەندی خەڵکی شاری سەردەشت، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار ڕاگوێزرا.
بەپێی ئەم ڕاپۆرتە، دەستگیرکردنی شۆڕش ئەبوبەکری کاتژمێر ٣ی سەر لە بەیانی لەلایەن هێزە ئەمنییەکانەوە بەبێ فەرمانی دادوەری ئەنجامدراوە.
تا ئێستا هیچ زانیارییەک لەسەر هۆکاری دەستبەسەرکردن و شوێنی دەستبەسەرکردنەکەی لەبەردەستدا نییە.
شۆڕش ئەبوبەکری پێش دەستبەسەرکردنی لە حەوزەی هونەردا چالاک بووە و پەیمانگایەکی هونەری بە ناوی “ئاوای کورد” لە شاری سەردەشت بەڕێوەدەبرد.
