کرێکاران، گەلی ئازادیخواز!
بەرەبەیانی دووشەممە ٢٣ ڕێبەندان، زانیمان کە عوسمان ئیسماعیلی لە زیندانی ناوەندی سەقز بۆ شاری سنە گوازراوەتەوە. دوای بەدواداچوونی بنەماڵەکەی؛ یەکێک لە بەرپرسانی بەندیخانەی ناوەندی سەقز ڕایگەیاند بەمەبەستی پشکنین و چارەسەر بۆ پزیشکی دادی سنە گوازراوەتەوە. گواستنەوەی عوسمان ئیسماعیلی بۆ سنە بە نهێنی ئەنجام دراوە و تا ئێستا بنەماڵەکەی و کومیتەی بەرگری نازانن چۆن گواستراوەتەوە و لە کوێ ڕاگیراوە، ئایا بڕیارە لە یەکێک لە ناوەندە پزیشکییەکانی سنە چارەسەر وەربگرێت؟ یان تەنها بۆ پشکنین گوازراوەتەوە بۆ پزیشکی دادوەری سنە.
ئەندامانی کومیتەی بەرگری لە عوسمان ئیسماعیلی وێڕای ئەوەی باری تەندروستی ناوبراو بە جدی دەزانن؛ نهێنی کاری ناوەندە ئەمنیەکان دەربارەی گواستنەوەی بۆ سنە و بێئاگایی بنەماڵەکەی لە پڕۆسەی چارەسەری ناوبراو بە تێنەگەیشتن دەزانێت و ئێمە پێمان وایە کە بنەماڵەی ناوبراو دەبێ بە تەواوی ئاگاداری هەنگاو بە هەنگاوی چارەسەرەکەی بن.
کومیتەی بەرگری لە عوسمان ئیسماعیلی
ڕێبەندانی ١٤٠٢
وتەبێژی لیژنەکە: یەدوڵڵا سەمەدی
٠٠٩٨٩١٨٥٠٢٨٥٦٣
