ئاکام خزرزادە، هاووڵاتی شاری پیرانشار بۆ جێبەجێکردنی حوکمی زیندانی خۆی دەستبەسەرکرا و بۆ زیندانی نەغەدە گواسترایەوە.
بەپێی ڕاپۆرتی کۆڵبەرنیوز، ئەمڕۆ یەکشەممە ١٠ی پووشپەڕی ١٤٠٣، بە دەرکردنی حوکمی دەستبەسەری ئاکام خزرزادە، ناوبراو لەلایەن هێزە ئەمنییەکانەوە لە ماڵەکەی خۆیدا لە شاری پیرانشار دەستبەسەر و بۆ جێبەجێکردنی حوکمی زیندان بۆ زیندانی نەغەدە گواسترایەوە.
ئاکام خزرزادە لە گوڵانی ١٤٠٣، لەلایەن لقی ١٠٢ی دادگای دووی پیرانشار بە سەرۆکایەتی دادوەر “مەجید ئەمیر محەممەدی”، بە تۆمەتی “هاوکاری لەگەڵ حیزبە دژبەرییەکانی ڕژیم” بە ٢ ساڵ زیندان مەحکووم کرا.
ئاکام خزرزادە، هاووڵاتی شاری پیرانشار لە ١٤ی پووشپەڕی ١٤٠١، لەلایەن هێزە ئەمنییەکانەوە دەستبەسەر و پاش کۆتایی هاتنی پرۆسەی دادگا لە یەکێک لە زیندانە ئەمنییەکان لە ورمێ بۆ زیندانی نەغەدە گواسترابۆوە. ناوبراو لە ٢٠ی خەرمانانی ١٤٠١ بە دانانی بارمتە ئازاد کرا.
