ناوەندی یاسایی ڕژیم بۆ ئازادی “ئەحمەد حەسەن زادە” داوای بارمتەی ٤ ملیارد تمەنی کردووە و “سۆڵماز حەسەن زادە” خوشکی گیانبەختکردوو “محەمەد حەسەن زادە” کە ڕۆژی سێشەمە ٩ی گەلاوێژی ١٤٠٣ لە شاری بۆکان دەستبەسەرکرابوو، بۆ زیندانی ورمێ گوازرایەوە.
بەپێی ڕاپۆرتی کۆڵبەرنیوز ڕۆژی چوارشەمە ١٠ی گەلاوێژی ١٤٠٣ “سۆڵماز حەسەن زادە” لە بنەماڵەی شۆڕشگێڕانی شۆڕشی ژینا لە شاری بۆکان و خوشکی “محەمەد حەسەن زادە” کە ڕۆژی سێشەمە ٩ی گەلاوێژ دەستبەسەرکرابوو، بۆ زیندانی ورمێ گوازرایەوە.
هەروەها ناوەندی یاسایی ڕژیم لە شاری بۆکان بۆ ئازادی کاتی “ئەحمەد حەسەن زادە” لە بنەماڵەی ناوبراو داوای بارمتەی ٤ ملیارد تمەنی کردووە.
هێزەکانی ئیدارەی ئیتلاعاتی بۆکان هێرشیان کردە سەر ماڵی “ئەحمەد حەسەن زادە” باوکی گیانبەختکردووی شۆڕشی ژینا “محەمەد حەسەن زادە” ناوبراو و کچەکەی “سۆڵماز حەسەن زادە” بە لێدان و ئەشکەنجە دەستبەسەرکرد.
“محەمەد حەسەن زادە” ڕۆژی ٢٥ی خەزەڵوەری ١٤٠١ و لە ماوەی شۆڕشی ژینا لە شاری بۆکان، بە گوللەی هێزەکانی سەرکوتکەری ڕژیم گیانی بەختکرد.
