“ڕەشید ڕەحیمی، شەهرام نانەوا و زاهیر” سێ هاووڵاتی خەڵکی شاری بۆکان لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز بەرەبەیانی ڕۆژی پێنجشەمە ٢٠ی گوڵانی ١٤٠٣، سێ هاووڵاتی خەڵکی شاری بۆکان لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گواسترانەوە. ناسنامەی ئەم سێ هاووڵاتییە «ڕەشید ڕەحیمی، شەهرام نانەوا و زاهیر» بۆ کۆڵبەرنیوز پشتڕاستکراوەتەوە.
شایانی باسە هێزە ئەمنییەکان بەبێ بڕیاری دادگا ئەم هاووڵاتیانەیان دەستبەسەرکردووە.
تا کاتی نووسینی ئەم ڕاپۆرتە لە هۆکاری دەستبەسەرکران، شوێنی مانەوە و تۆمەتەکانی دژی ئەم هاووڵاتیانە زانیارییەک لەبەردەستدا نییە.
