سیامەک هەیاسی، هاووڵاتی شاری بۆکان بە بارمتەی کاتی ٢ ملیار تمەن تا کۆتایی لێکۆڵینەوە لە گرتوخانەی ورمێ ئازاد کرا.
بەپێی ڕاپۆرتی کۆڵبەرنیوز چوارشەمە ٢١ی خەرمانانی ١٤٠٣ سیامەک هەیاسی ئازاد کرا. بەپێی ئەم ڕاپۆرتە ئازادی سیامەک هەیاسی بە بارمتەی کاتی ٢ ملیار تمەن لە گرتوخانەی ورمێ ئەنجامدراوە.
لە ٣٠ی خاکەلێوەی ١٤٠٢، سیامەک هەیاسی بەبێ بڕیاری دادگا لەلایەن هێزە ئەمنیەکان دەستبەسەرکرا. ناوبراو پاش ٥ مانگ دەستبەسەری لە یەکێک لە گرتوخانەکانی ئەمنی ورمێ بۆ گرتوخانەی ورمێ گوازرابوو. تۆمەتەکانی ناوبراو، هەوڵدان دژی پاراستنی نەتەوەیی و ئەندامێتی لە یەکێک لە پارتە دژبەرەکانی ڕژیم ڕاگەیەندراوە.
