سلێمان سالک، بەندکراوی سیاسی لە گرتوخانەی مهاباد، لەم گرتوخانەوە مۆڵەتی پێدرا.
بەپێی ڕاپۆرتی کۆڵبەرنیوز چوارشەمە ٤ی ڕەزبەری ١٤٠٣ سلێمان سالک لە گرتوخانەی مهاباد مۆڵەتی پێدرا. ناوبراو خەڵکی مهاباد لە سەرەتای خەرمانان، پاش ئامادەیی لە دادگای گشتی و شۆڕشی مهاباد دەستبەسەرکرا و بۆ گرتوخانەی مهاباد گواسترایەوە.
لە گوڵانی ١٤٠٣ ناوبراو لەلایەن لقی ١٠٢ی دادگای ٢ی پیرانشار بەتۆمەتی هاوکاری لەگەڵ پارتەکانی دژبەری ڕژیم، بە ١٠ ساڵ بەندکردن و بەتۆمەتی ئەندامێتی لە پارتێکی دژبەری ڕژیم، بە ساڵێک بەندکردن و سزادرابوو کە سزادانی ناوبراو بە دەنگدان، بە ١ لەسەر ٤ کەمکرایەوە. سلێمان سالک پێشتریش بەهۆی چالاکیەکانی دەستبەسەرکرا و مامەڵەی یاسایی هەبووە.
