سیامەند زەنگی، هاووڵاتی بەندکراوی شنۆ بەبارمتەی کاتی لە گرتوخانەی شنۆ ئازاد کرا.
بەپێی ڕاپۆرتی کۆڵبەرنیوز چوارشەمە ٤ی ڕەزبەری ١٤٠٣ سیامەند زەنگی، هاووڵاتی شاری شنۆ بەبارمتەی کاتی ملیارێک تمەن و تا کۆتایی لێکۆڵینەوە لە گرتوخانە ئازاد کرا. ناوبراو لە ١٤ی خەرمانانی ١٤٠٣ لەلایەن هێزەکانی ئەمنی دەستبەسەرکرا و بۆ گرتوخانەی ئیدارەی ئیتلاعاتی ورمێ گواسترابوو. ناوبراو بە کۆتایی لێکۆڵینەوە بۆ گرتوخانەی شنۆ گواسترایەوە. تاکاتی نووسینی ئەم ڕاپۆرتە لە تۆمەتەکانی دژی ناوبراو زانیاریەک لەبەردەستدا نییە.
