ڕەزا عەلائی، دەرهێنەر و فیلمسازی شاری بانە بە کەفالەت لە گرتووخانەی بۆکان ئازاد کرا.
بەپێی ڕاپۆرتی کۆڵبەرنیوز، لە ڕۆژانی ڕابردوودا ڕەزا عەلائی، فیلمساز و دەرهێنەری ٤٣ ساڵان هاوڵاتی شاری بانە، بە کەفالەت تا کۆتاییهاتنی دادگاییەکەی لە گرتووخانەی بۆکان ئازاد کرا.
ڕۆژی چوارشەممە ٢١ی خەرمانانی ١٤٠٣ ڕەزا عەلائی، فیلمسازی شاری بانە لەلایەن هێزە ئەمنییەکانی بانە لە گەراجی ماڵەکەیدا دەستگیر کرا و بۆ شوێنێکی نادیار گواسترایەوە. شایانی باسە کە دەستگیرکردنی ئەم هاوڵاتییە بەبێ بڕیاری دادگا ئەنجام دراوە. ڕەزا عەلائی، فیلمسازی شاری بانە، لەدایکبووی ١٣٦٥، خێزاندار و باوکی ٣ منداڵە. ناوبراو پێشتر دەرهێنەری چەندین کاری سینەمایی جیاوازی وەکووە فیلمی زەوییە پیسەکان (Dirty Lands) بووە. تا کاتی نووسینی ئەم ڕاپۆرتە هیچ زانیارییەک لە هۆکاری دەستگیری و تۆمەتەکانی دژی ناوبراو لە بەردەستدا نییە.
