ڕامیار محەممەدزادە، هاوڵاتیی خەڵکی شاری سەردەشت و دانیشتووی شاری پیرانشار، لەلایەن دەزگای دادوەری کۆماری ئیسلامییەوە سزای ٣٢ مانگ زیندانی تەعزیری بەسەردا سەپێندرا.
بە پێی ڕاپۆرتی کۆڵبەرنیوز، ڕامیار محەممەدزادە، هاوڵاتییەکی تەمەن ١٩ ساڵەی خەڵکی شاری سەردەشت و دانیشتووی پیرانشار، لە لایەن دادگای شۆڕشی ئیسلامیی شاری مەهابادەوە بە تۆمەتی “بانگەشە لە دژی نیزام” و “هاوکاری لەگەڵ یەکێک لە حیزبەکانی ئۆپۆزیسیۆن” بە ٣٢ مانگ زیندانی تەعزیری مەحکووم کراوە.
ڕامیار محەممەدزادە لە کاتی ڕێوڕەسمەکانی نەورۆزیدا لەگەڵ دوو هاوڵاتیی دیکە بە ناوەکانی “محەمەد مەشرەوی ئەسڵ” و “موعین حوسێنزادە” دەستبەسەر کرا کە لە سەرەتای مانگی ڕەزبەری ئەمساڵدا بانگهێشت کرابوون و ڕەوانەی زیندانی نەغەدە کرابوو.
ڕامیار محەممەدزادە ڕۆژی دووشەممە ٦ی خاکەلێوەی ساڵی ١٤٠٣ لەدوای هێرشی توندوتیژانەی هێزەکانی ئیدارەی ئیتلاعات بۆ سەر ماڵی باوکیی دەستبەسەر کرا و پاش نزیکەی دوو مانگ دەستبەسەری بە دانانی بارمتە بە شێوەی کاتی لە زیندان ئازاد کرا.
