بێهروز گوڵنەما هاووڵاتیی خەڵکی شاری سنە، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزرا.
بەپێی ڕاپۆرتی کۆلبەرنیوز، ڕۆژی شەممە ٢٥ی خەرمانانی ١٤٠٢، بێهروز گوڵنەما، هاووڵاتییەکی تەمەن ٤٤ ساڵی خەڵکی شاری سنە، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار ڕاگوێزرا. بەپێی ئەم ڕاپۆرتە، ئەم هاووڵاتییە لەناو ماشینەکەی خۆی لە یەکێک لە شەقامەکانی شاری سنە دەستبەسەر و بۆ شوێنێکی نادیار ڕاگوێزرا.
جێگای ئاماژەیە کە هێزە ئەمنییەکان بەبێ دابینکردنی فەرمانی دادگا ئەم هاوڵاتیەیان دەستگیرکردووە. تا کاتی نووسینی ئەم هەواڵە هیچ زانیارییەک لەسەر شوێنی مانەوە و تۆمەتی ئەم هاوڵاتییە نییە.
