جەماڵ شێخەپوور و ئەفشین خەلیفەزادە، دوو هاوڵاتیی خەڵکی شاری مەهاباد، لە لایەن هێزە ئەمنییەکانەوە دەستبەسەر کران و بۆ شوێنێکی نادیار گوازرانەوە.
بە پێی ڕاپۆرتی کۆڵبەرنیوز، بەرەبەیانی ڕۆژی یەکشەممە ٩ی سەرماوەزی ساڵی ١٤٠٣، جەماڵ شێخەپوور و ئەفشین خەلیفەزادە، دوو هاوڵاتی خەڵکی گوندی “قومقەڵا”ی سەر بە ناوچەی شاروێرانی مەهاباد، لەلایەن هێزە ئەمنییەکانەوە دەستبەسەر کران و بۆ شوێنێکی نادیار گوازرانەوە.
به پێی ئەم ڕاپۆرته، هێزه ئەمنییەکان بە بێ فەرمانی دادگا ئەو هاوڵاتیانەیان دەستبەسەر کردووه.
تا ساتی ئامادەکردنی ئەم ڕاپۆرتە هیچ زانیارییەک لەبارەی هۆکار و شوێنی دەستبەسەرکران و ئەو تۆمەتانەی دراونەتە پاڵ ئەو هاوڵاتییانە لەبەردەستدا نییە.
