بەهۆی نەبوونی ئەمنیەتی شوێن و دۆخی کارەوە و کەوتنە خوارەوە لە بەرزایی بینایەک، کرێکارێکی بیناسازی خەڵکی شاری کامێران گیانی لەدەستدا.
بە پێی ڕاپۆرتی کۆڵبەرنیوز ڕۆژی چوارشەممە ١٩ی بەفرانباری ١٤٠٣ کرێکارێکی بیناسازی بەهۆی نەبوونی ئەمنیەتی شوێنی کارەوە لە بینایەک کەوتە خوارەوە و گیانی لەدەستدا. ناسنامەی ئەم کرێکارەی بیناسازی عارف چێهارئەرکان، خەڵکی گوندی پەشاوا سەر بە شاری کامێران بۆ کۆڵبەرنیوز پشتڕاست کراوەتەوە.
شایەنی باسە لە ساڵی ١٤٠٢ بەهۆی ڕووداوی کار، ٢١١٥ کرێکار (٢٠٩٤ پیاو و ٢١ ژن) گیانیان لەدەستدا بەبەراورد بە ساڵی ڕابردوو کە ١٩٠٠ کرێکار بوو، ١١.٣ لە سەدا زیادی کرد.
ئێران لەبواری پاراستنی شوێنی کار لەنێو وڵاتانی جیهان لە ڕیزبەندی ١٠٢ دایە کە زۆر لەدوایە.
ئێران یەکێکە لە لەپارێزراوترین وڵاتان لەبواری پاراستنی شوێنی کار و ساڵانە ژمارەیەکی زۆری کرێکاران بەهۆی نەبوونی پاراستنی شوێنی کار تووشی ڕووداو دەبن.
