هێزە ئەمنیەتییەکانی ڕژیم لە کەرتی سنووری نۆدشە بە تەقەی ڕاستەوخۆ چەند کۆلبەرێکیان بریندار کردووە و گرووپێکی دیکەی کۆلبەریان گەمارۆ داوە.
بەپێی ڕاپۆرتی کۆلبەرنیوز، شەوی پێنجشەممە ٢٠ی ڕەزبەری ١٤٠٢، چەند کۆلبەرێک (ژمارەیەکی نادیار) بە تەقەی ڕاستەوخۆی هێزەکانی هەنگی مەرزی سنووری نۆدشە برینداربوون و چەند کۆلبەرێکی دیکەش لە شەوی ڕابردووەوە لەژێر گەمارۆدان و لە بارودۆخی ئەوان هیچ زانیارییەک نییە لەبەردەستدا نییە.
ناسنامەی سێ لەو کۆڵبەرە بریندارانە، کە لەلایەن کۆڵبەرنیوزەوە پشتڕاستکراوەتەوە، بریتین لە: عیماد مەحمودی، هیدایەت قادری و بێهروز (فامیلی نەناسراو)، خەڵکی سەلاس باباجانی و جوانڕۆن.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
