کۆلبەرێکی خەڵکی گوندی “ئاڵوت” سەر بە شاری بانە بە تەقەی ڕاستەوخۆی پاسەوانی سنووری عێراق لە ناوچەی سنووری چۆمان لە بانە بریندار بوو.
بە پێی ڕاپۆرتی کۆڵبەرنیوز، ئێوارەی ڕۆژی دووشەممە ١٦ی گەلاوێژی ساڵی ١٤٠٢، کۆلبەرێکی خەڵکی گوندی “ئاڵوت”ی سەر بە شاری بانە بە تەقەی ڕاستەوخۆی پاسەوانی سنووری عێراق لە سنووری چۆمان لە بانە لە لاقەوە بریندار بووە.
بەپێی ئەم ڕاپۆرته ناسنامەی ئەم کۆڵبەرە “حەسەن فرقانی” خەڵکی گوندی ئاڵوتی شاری بانه.
پێویستە ئاماژە بەوە بکرێت کە ناوبراو بۆ چارەسەر بۆ ناوەندە پزیشکییەکانی شاری سلێمانی هەرێمی کوردستان گواسترایەوە و باری گشتی ئەم کۆلبەرە نالەبار ڕاگەیاندراوە.
بە پشتبەستن بەو ئامارانەی لە ٦ مانگی یەکەمی ساڵی ٢٠٢٣دا لە کۆلبەر نیوز تۆمارکراون، بە گشتی ٦١ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە ، بەفربارین و بەستەڵەکی. لە کۆی ئەم کۆیە ١١ کۆلبەر (١٨%) کوژراون و ٥٠ کۆلبەر (٨٢%) بریندار بوون، لە کۆی گشتی ٦١ کۆلبەر کە کوژراون و بریندار بوون، ٤٢ حاڵەت (٦٩%) بەهۆی تەقەی ڕاستەوخۆی هێزە سەربازییەکان بووە.
