ئیبراهیم ناسری، هاوڵاتی خەڵکی بۆکان پاش بانگهێشتی بۆ ئیدارەی ئیتلاعاتی ئەم شارە دەستبەسەرکرا.
بەپێی ڕاپۆرتی کۆڵبەرنیوز، ڕۆژی یەکشەممە ٣٠ گوڵانی ١٤٠٣، هاوڵاتیەکی خەڵکی شاری بۆکان دەستبەسەرکرا. ناسنامەی ئەم هاوڵاتیە ئیبراهیم ناسری ڕاگەیەندراوە.
بەپێی ئەم ڕاپۆرتە، ئیبراهیم ناسری پێشتر بە تەلەفۆن بۆ ئیدارەی ئیتلاعاتی شاری بۆکان بانگهێشتکرا و ناوبراو پاش ڕۆشتنی بۆ ئیدارەی ئیتلاعات دەستبەسەرکرا.
تا کاتی نووسینی ئەم ڕاپۆرتە، لە هۆکارەکانی دەستبەسەری، شوێنی مانەوە و تۆمەتەکانی دژی ناوبراو زانیاری بەردەست نییە.
