ئەحمەد مۆعەزێز، هاووڵاتییەکی خەڵکی شاری بۆکان، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گوازراوەتەوە.
بەپێی ڕاپۆرتی کۆڵبەرنیوز، ڕۆژی یەکشەممە ١٩ی خەرمانانی١٤٠٢، ئەحمەد مۆعەزێز، هاووڵاتییەکی خەڵکی شاری بۆکان، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گوازراوەتەوە.
بەپێی ئەم ڕاپۆرته، هێزه ئەمنییەکان بەبێ فەرمانی دادگا و به پەنابردن بۆ توندوتیژی، ئەحمەد مۆعەزێزیان له ماڵەکەی خۆیدا دەستگیر کردووه، هەروەها دەستیان بەسەر کەلوپەلی شەخسی وەک کۆمپیوتەر و مۆبایلی ئەندامانی تری خێزانەکەیدا گرتووه.
تا کاتی نووسینی ئەم هەواڵە هیچ زانیارییەک لەبارەی هۆکاری دەستگیرکردنەکەی و تۆمەتەکانی و شوێنی دەسبەسەرکرانی لەبەردەستدا نییە.
