ئەمڕۆ شەممە، ٢٣ی بەفرانباری ١٤٠٢، “پەرهام پەروەری” بەبێ ئاگاداری خێزانەکەی و بە نهێنی لە زیندانی ئێوینەوە بۆ زیندانی ئێرانشار گواسترایەوە.
بەپێی ڕاپۆرتی کۆڵبەرنیوز، “پەرهام پەروەری” خەڵکی شاری سەقز، لەلایەن لقی ٢٨ی دادگای ئینقلابی ئیسلامی تاران بە سەرۆکایەتی دادوەر “عەمووزاد” بە ٥ ساڵ زیندانی تەعزیری و ١٠ ساڵ دوورخستنەوە مەحکووم کرابوو.
پەرهام، دەرچووی بەشی ئەندازیاری میکانیک، وەرزشوان و پاڵەوانی چەندین خولی مەلەوانی نیشتمانی و پارێزگایە، لە ١٢ی ڕەزبەری ١٤٠١ لە کاتی ڕاپەڕینی شۆڕشی ژینا لە تاران دەستبەسەر کرا. سەرەتا بۆ بەندی ٢٠٩ی زیندانی ئێوین گوازرایەوە و لەوێوە ڕەوانەی زیندانی تارانی گەورە کرا و دواجار لە سەرەتای ئەمساڵدا ڕەوانەی بەندی ٦ی زیندانی ئێوین کرا.
