ئومید نیازی، برای موحسین نیازی، یەکێک لە گیانبەختکردووانی ناڕەزایەتییە سەرتاسەرییەکانی ساڵی ١٤٠١ی دێگولان، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی پێنجشەممە ٢٣ی خەرمانانی ١٤٠٢، ئومید نیازی، برای موحسین نیازی، یەکێک لە گیانبەختکردووانی ناڕەزایەتییە سەرتاسەرییەکانی ساڵی ١٤٠١ لە دێگولان، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە. بەپێی ئەم ڕاپۆرتە، هێزە ئەمنییەکان لە ڕێگای دێگولان بۆ سنە ئەم هاووڵاتییەیان ڕفاندووە.
پێویستە بگوترێ، هێزە ئەمنییەکان بەبێ فەرمانی دادگا ئەم هاووڵاتییەیان دەستبەسەر کردووە و تا کاتی نووسینی ئەم هەواڵە، هیچ زانیارییەک لەبارەی شوێنی مانەوە و تۆمەتەکانی ئەم هاووڵاتییە نییە.
موحسین نیازی تەمەن ٣٢ ساڵ و وەرزشوان لە ٢٩ی خەزەڵوەری ١٤٠١ لە کاتی ناڕەزایەتییەکانی شاری دێگولان پشتی بە سەختی بریندار بوو و بە هۆی سەختی برینەکانی لە نەخۆشخانەی کەوسەری سنە گیانی لە دەست دا.
