بەهار ئەحمەدی، هاووڵاتییەکی خەڵکی شاری سنە، لەلایەن هێزە ئەمنییەکانی ئەم شارە دەستبەسەر و بۆ گرتووخانەی ئیدارەی ئیتلاعاتی سنە گوازرایەوە.
بە پێی ڕاپۆرتی کۆڵبەرنیوز، ڕۆژی شەممە ٢١ی گەلاوێژی ١٤٠٢، بەهار ئەحمەدی هاووڵاتیی خەڵکی شاری سنە، لەلایەن هێزە ئەمنییەکانی ئەم شارە دەستبەسەر و بۆ گرتووخانەی ئیدارەی ئیتلاعاتی سنە گوازرایەوە. بەپێی ئەم ڕاپۆرتە، بەهار ئەحمەدی بەبێ فەرمانی دادگا لە ماڵی تایبەتی خۆی لە شاری سنە دەستبەسەر و بۆ گرتووخانەی ئیدارەی ئیتلاعاتی ئەم شارە ڕاگوێزرا.
تا کاتی نووسینی ئەم هەواڵە هیچ زانیارییەک لەبارەی هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
بەهار ئەحمەدی هاوسەری ئەسعەد محەممەدییە کە لە ٢ی گەلاوێژی ١٤٠٢ لە ماڵی تایبەتی خۆی لە شاری ویلاشاری سنە لەلایەن هێزە ئەمنییەکانەوە دەستبەسەر کرا.
